إدارة شركتك كلها
في نظام واحد متصمم ليك
فواتير، مخزون، فروع، عملاء وموردين، رواتب وتقارير. نظام أونلاين بيتبني على طريقة شغل شركتك، مش برنامج جاهز فريقك يضطر يتأقلم عليه.
شركتك بتدار النهارده بإيه؟
أغلب الشركات الصغيرة والمتوسطة بتبدأ بإكسل ودفاتر وجروبات واتساب. ده بيمشي، لحد ما الشغل يكبر.
إكسل ودفاتر وواتساب
- كل فرع أو موظف عنده نسخة مختلفة من الأرقام
- التقفيل الشهري بياخد أيام من المحاسب
- مش عارف المخزون الحقيقي غير بالجرد
- مين مديون بكام؟ محتاج تدوّر
- أي حد معاه الملف يقدر يعدّل فيه من غير ما تعرف
Zystem
- رقم واحد صحيح للشركة كلها، في كل الفروع
- التقارير جاهزة في أي لحظة بضغطة
- رصيد كل صنف لحظة بلحظة، وتنبيه قبل ما يخلص
- كشف حساب لكل عميل ومورد، والمتأخر قدامك
- كل موظف بصلاحياته، وسجل بكل تعديل ومين عمله
ليه تأمّن شركتك على Zystem
بيانات شركتك أهم حاجة عندك. ده اللي بيحميها، وده اللي بيضمن إنك مش مربوط بينا غصب عنك.
قاعدة بيانات بمستوى الشركات الكبيرة
مبني على PostgreSQL، نفس نوع قواعد البيانات اللي بتستخدمها بنوك وشركات عالمية، على سيرفرات سحابية مش على جهاز في المكتب.
صلاحيات على مستوى البيانات
القاعدة نفسها بترفض أي طلب لبيانات مش من حق المستخدم. المحاسب يشوف الحسابات، والبياع يشوف فواتيره بس.
سجل بكل تعديل
أي فاتورة أو مصروف اتعدّل أو اتمسح، بتعرف مين عمل كده وإمتى. محدش يلعب في الأرقام من وراك.
بياناتك ملكك
تصدّر كل بياناتك إكسل في أي وقت. لو قررت تمشي في يوم، بياناتك معاك كاملة.
اتصال مشفر ونسخ احتياطية
كل الصفحات على HTTPS، ونسخ احتياطية دورية من بياناتك عشان تبقى في أمان لو حصل أي ظرف.
تشوف قبل ما تدفع
عرض توضيحي على نظام حقيقي، وبتشوف نظامك وهو بيتبني وتعدّل فيه قبل التسليم. مفيش مفاجآت.
نظام على مقاس نشاطك
نفس القاعدة القوية، بشاشات وتقارير بمصطلحات شغلك انت.
ابدأ باللي محتاجه، وكبّر مع شركتك
مش لازم تاخد كل حاجة من أول يوم. بنبدأ باللي هيفرق معاك النهارده، ونضيف الباقي وقت ما تحتاجه من غير ما داتا تضيع.
المبيعات والفواتير
فواتير بيع وعروض أسعار ومرتجعات، تطبعها أو تبعتها للعميل.
المخزون والمخازن
رصيد كل صنف في كل مخزن، وتنبيه لما صنف يقرب يخلص.
الخزنة والبنوك
كل جنيه داخل وخارج، ورصيدك الحقيقي في أي لحظة.
العملاء والموردين
كشف حساب لكل عميل ومورد، والمديونيات والمتأخرات قدامك.
الموظفين والرواتب
رواتب ومكافآت وخصومات وسُلف، وكشف لكل موظف.
المصروفات
بنود ثابتة تقارنها شهر بشهر، ومصروفات تحتاج موافقة المدير.
التقارير
مكسب وخسارة لكل فرع وللشركة كلها، بالرسوم، وتصدير إكسل و PDF.
الفروع والصلاحيات
كل فرع بخزنته ومصروفاته، وكل موظف يشوف اللي يخصه بس.
من أول مكالمة لحد ما فريقك يشتغل عليه
مفيش برامج تتسطّب ولا سيرفرات تشتريها. كل اللي محتاجه متصفح ونت.
نفهم شغلك
جلسة نعرف فيها دورة الشغل عندك، وإيه اللي بيضيّع وقت أو فلوس.
عرض توضيحي
بتشوف نظام حقيقي شغال، وتاخد تصور وعرض سعر مكتوب.
مجاناًنبني ونسلّم
النظام على لينك باسم شركتك، وحسابات لفريقك، وتدريب عليه.
نكمل معاك
دعم وتعديلات وإضافات بعد التسليم، والبيانات القديمة زي ما هي.
قبل ما تقرر
النظام بيتكلف كام؟
السعر بيتحدد حسب الإمكانيات اللي محتاجها وعدد الفروع والمستخدمين. بعد العرض التوضيحي بتاخد عرض سعر مكتوب وواضح، فيه تكلفة البناء والاشتراك الشهري للاستضافة والدعم.
إيه الفرق بينكم وبين برنامج محاسبة جاهز؟
البرنامج الجاهز بيفرض عليك طريقته، وبتدفع تمن حاجات مش هتستخدمها. هنا النظام بيتبني على دورة شغلك انت، بمصطلحاتك، وبيكبر مع شركتك.
ينفع أنقل بياناتي من الإكسل؟
أيوه. العملاء والأصناف والموردين والأرصدة الافتتاحية بتتنقل من ملفات الإكسل اللي عندك، فتبدأ من غير ما تكتب كل حاجة من الأول.
لو النت فصل، الشغل هيقف؟
النظام محتاج نت عشان يحفظ البيانات على السحابة، وأي نت موبايل عادي بيكفّي. ميزة ده إن البيانات مش مربوطة بجهاز واحد ممكن يبوظ أو يتسرق.
ينفع أكتر من فرع ومخزن؟
أيوه. كل فرع ومخزن ليه حساباته، وتقدر تشوف تقرير لكل فرع لوحده أو للشركة كلها.
مين يقدر يشوف بيانات شركتي؟
الموظفين اللي انت تديهم حسابات بس، وكل واحد حسب الصلاحيات اللي تحددها. وفيه سجل بكل تعديل حصل ومين عمله.
شوف النظام شغال قبل ما تقرر
احجز عرض توضيحي مجاني، ونوريك النظام على أمثلة من شغلك انت، وتاخد عرض سعر مكتوب.